Konstitusiya Məhkəməsi seçkilərlə bağlı qərar verəcək
![](https://img.redaktor.az/news/2024/02/photo_231467.jpg?v=MDM6MzAyMDI0LTAyLTEyIDExOjM0OjI2)
Sabah - fevarlın 13-də 2024-cü il fevralın 7-də keçirilmiş növbədənkənar Azərbaycan Respublikasının Prezidenti seçkilərinin yekunlarına dair Mərkəzi Seçki Komissiyasının protokolunun təsdiq edilməsi və seçkilərin nəticələri ilə bağlı Azərbaycan Respublikası Konstitusiya Məhkəməsi Plenumunun iclası keçiriləcək.
Bu barədə Redaktor.az-a Konstitusiya Məhkəməsindən məlumat verilib.
Bildirilib ki, iclas saat 11:00-a təyin edilib.
Qeyd edək ki, Mərkəzi Seçki Komissiyasının sədri Məzahir Pənahov fevralın 11-də seçkilərin yekunları ilə bağlı keçirilən iclasda bildirib ki, Azərbaycan Respublikasının Prezidenti İlham Əliyev fevralın 7-də keçirilən seçkilərdə səslərin 92.12 faizini toplayaraq qələbə qazanıb.