Ceyhun Bayramov Hakan Fidanla görüşdü - YENİLƏNİB

 17:27 21.03.2024     249

Xarici işlər naziri Ceyhun Bayramov Nüvə Enerjisi Sammiti çərçivəsində Türkiyənin xarici işlər naziri Hakan Fidan ilə görüşüb.

Redaktor.az xəbər verir ki, bu barədə Xarici İşlər Nazirliyi (XİN) məlumat yayıb.

Görüş zamanı ölkələrimiz arasında qardaşlıq və strateji müttəfiqlik əlaqələrinin inkişafından məmnunluq ifadə olunub.

Ölkələrimiz arasında ikitərəfli və çoxtərəfli formatda davam edən uğurlu əməkdaşlığın regional inkişafa mühüm töhfələr verdiyi, bu xüsusda ticarət, enerji, təhlükəsizlik, nəqliyyat, elm-təhsil və bir çox digər istiqamətlərdə əməkdaşlığın daha da dərinləşməsinin əhəmiyyəti vurğulanıb. Bölgədə nəqliyyat dəhlizlərinin birgə inkişafının əhəmiyyəti qeyd edilib.

C.Bayramov, həmçinin Azərbaycan-Ermənistan normallaşma prosesi barədə həmkarına məlumat verib.

Görüşdə qarşılıqlı maraq doğuran digər regional və qlobal məsələlər ətrafında da geniş fikir mübadiləsi aparılıb.

***

17:03

Brüsseldə işgüzar səfərdə olan Azərbaycanın xarici işlər naziri Ceyhun Məmmədov Türkiyəli həmkarı Hakan Fidanla görüşüb.

Redaktor.az xəbər verir ki, Xarici İşlər Nazirliyinin məlumatına görə, nazirlər ikitərəfli və çoxşaxəli strateji əməkdaşlıq sahələrini müzakirə edib, regional sülhməramlı səylərə toxunublar.

Azərbaycan xarici işlər naziri Ceyhun Bayramov martın 21-də Belçika Krallığının paytaxtında ilk dəfə keçirilən Nüvə Enerjisi Sammitində iştirak edir.