Aİ-nin Ermənistandakı missiyası məlumat yaydı: "Vəziyyət sabitdir"
Bu gün Avropa İttifaqının (Aİ) Ermənistandakı müşahidə missiyası Sotk, Verin Şorja, Aravus və Movses ərazilərində patrul həyata keçirib.
Redaktor.az xəbər verir ki, məlumatı Avropa İttifaqının Ermənistandakı müşahidə missiyası yayıb.
"Vəziyyət sabit və sakitdir", - məlumatda deyilir.
Xatırladaq ki, aprelin 5-i saat 21:55-dən 23:20-dək Ermənistan silahlı qüvvələrinin bölmələri Ordumuzun Tovuz rayonunun Əlibəyli, Daşkəsən rayonunun Xoşbulaq, Kəlbəcər rayonunun Yellicə, Zəylik və Laçın rayonunun Çağazur yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutub.
Turan İSMAYIL
Bizi Telegram-da izləyin...
