Ərdoğan NATO liderləri ilə görüşəcək

 10:00 08.07.2024     145

Türkiyə prezidenti Rəcəb Tayyib Ərdoğan NATO sammiti üçün ABŞ-ın paytaxtı Vaşinqtona gedir.

Redaktor.az xəbər verir ki, o, sammitdə iclaslarda üzv ölkələrin dövlət və hökumət başçıları ilə görüşəcək, ikitərəfli müzakirələr həyata keçirəcək.

Məlumata görə, iyulun 9-da sammitin ilk günündə 75 illik yubiley proqramı keçiriləcək. Həmçinin Ərdoğan 32 üzvlü alyansın dövlət və hökumət başçılarının iyulun 10-da keçiriləcək toplantısında iştirak edəcək.

Həmin gün axşam saatlarında liderlər və onların həyat yoldaşları ABŞ prezidenti Co Baydenin Ağ Evdə verdiyi şam yeməyində bir araya gələcək.

Liderlər iyulun 11-də NATO-Ukrayna Şurasının iclası üçün eyni masa ətrafında toplaşacaqlar.

NATO-nun builki sammitində alyans üzvləri təhlükəsizlik məsələlərini müzakirə edəcəklər. 

Sevinc İBRAHİMZADƏ