"Türkiyə NATO-nun onurğa sütunu olan ölkələrdəndir" - Ərdoğan
"NATO sammitində dünyada artan terror təhlükəsinə diqqət çəkəcəyik".
Redaktor.az xəbər verir ki, bunu Türkiyə Prezidenti Rəcəb Tayyib Ərdoğan Vaşinqtonda keçiriləcək NATO sammitindən əvvəl mətbuata açıqlamasında deyib.
"Biz NATO-nun müharibə tərəfinə çevrilməməsi və ədalətli sülhün təmin edilməsi istiqamətində prinsipial mövqeyimizi davam etdiririk. Bu gün Qəzzada Fələstin xalqına qarşı törədilən qətliamları da gündəmə gətirəcəyik. Qəzzada davamlı sülhün yolunu açmaq üçün əvvəldən məsuliyyət götürmüşük. Eyni zamanda Türkiyə NATO-nun missiya və əməliyyatlarına ən çox töhfə verən ilk 5 müttəfiqdən biridir. Biz NATO-nun onurğa sütunu olan ölkələr sırasındayıq", - prezident vurğulayıb.
Sevinc İBRAHİMZADƏ
Bizi Telegram-da izləyin...
