ATƏT-in müşahidə missiyası qrupu Şahin Sərdarlının seçki təbliğatını izlədi - FOTO
88 Saylı Şamaxı Seçki Dairəsindən deputatlığa namizəd Sərdarlı Şahin Rövşən oğlunun təbliğat-təşviqat kampaniyası davam edir.
Redaktor.az xəbər verir ki, bu gün ATƏT-in Seçki Müşahidə Missiyası qrupunun nümayəndələri Ş. Sərdarlının seçki qərargahında olub. Təbliğat-təşviqat kampaniyası barədə müşahidə missiyası qrup üzvlərinin suallarını cavablandırılıb.
Daha sonra qrup üzvləri təbliğat-təşviqat kampaniyası çərçivəsində Böyük Xınıslı kəndində seçicilərlə görüşləri müşahidə ediblər.
Qeyd edək ki, Ş.Sərdarlı 12 aprel 1997-ci ildə Şamaxı rayonunun Meysəri kəndində anadan olub. 2014-cü ildə şəhid əmisi Aslan Sərdar oğlu Şirinov adına Şamaxı rayon Meysəri kənd tam orta məktəbini bitirib və Bakı Slavyan Universitetinin “Beynəlxalq münasibətlər” ixtisasına qəbul olub. 2017-ci ildə Azərbaycan Dillər Universitetinin “Regionşünaslıq” ixtisasına transfer olunub, 2020-ci ildə məzun olub. Həmçinin İstanbul Esenyurt Universitetinin bir sıra təlim və inkişaf proqramlarını başa vurub.
O, bir sıra tanınmış media orqanlarında müxbir, redaktor vəzifələrində çalışıb. Bakı Slavyan Universitetinin, ADU-nun İctimaiyyətlə əlaqələr şöbəsində Mətbuat xidmətində fəaliyyət göstərib. ADU-nun Tələbə Həmkarlar İttifaqı Komitəsinin sədri, ADU-nun Tələbələrlə İş və Tədbirlərin təşkili şöbəsinin müdiri vəzifələrində çalışıb.
Hərbi xidmətini Vətən müharibəsi dönəmində Şuşa şəhərində başa vurub.
Ş. Sərdarlı 2021-ci ildən Karyera və İşə Hazırlıq Mərkəzi MMC-ni təsis edib, hazırda direktor vəzifəsində çalışır.
Bizi Telegram-da izləyin...
