Putin Azərbaycana GƏLİR
Rusiya Prezidenti Vladimir Putin avqustun 18-19-da Azərbaycana dövlət səfəri edəcək.
Redaktor.az TASS-a istinadla xəbər verir ki, bu barədə Kreml məlumat yayıb.
Danışıqların mövzuları arasında “Rusiya-Azərbaycan strateji tərəfdaşlıq və müttəfiqlik münasibətlərinin daha da inkişaf etdirilməsi məsələləri, eləcə də aktual beynəlxalq və regional problemlər” önə çıxır.
Kremlin açıqlamasında qeyd edilib ki, səfərin yekunları üzrə birgə bəyanatın, eləcə də bir sıra sənədlərin imzalanması planlaşdırılır.
Qeyd edək ki, Putinin Azərbaycana sonuncu səfəri 2018-ci ilin sentyabrında baş tutub. Daha sonra Azərbaycan Prezidenti İlham Əliyev Rusiya prezidentini münasib vaxtda yenidən ölkəyə səfərə dəvət edib.
Turan İSMAYIL
Bizi Telegram-da izləyin...
