Beynəlxalq Çernobbio Forumu dünya mediasının diqqət MƏRKƏZİNDƏDİR
Bu gün İtaliyada keçirilən 50-ci Beynəlxalq Çernobbio Forumu dünya mediasının diqqət mərkəzindədir.
Redaktor.az xəbər verir ki, yubiley forumunda Azərbaycan Prezidenti İlham Əliyev də iştirak edib.
Dövlət başçısı “Dünya, Avropa və İtaliya haqqında bilgilər” mövzusuna həsr olunmuş Forumda “Yeni geosiyasi şəraitdə Azərbaycanın rolu” adlı sessiyada çıxış edib, moderatorun suallarını cavablandırıb, mühüm mesajlar verib.
Beynəlxalq Çernobbio Forumu və Azərbaycan liderinin çıxışı dünyanın aparıcı media orqanlarının diqqət mərkəzində olub.
“Reuters“, “Bloomberg“, “Financial post” və digər nüfuzlu media qurumları həm Beynəlxalq Çernobbio Forumuna, həm də Prezident İlham Əliyevin forumda müxtəlif mövzularda səsləndirdiyi fikirlərə geniş yer ayırıb.
Bundan başqa, dövlət başçısının forumda səsləndirdiyi mühüm bəyanatlar Rusiyanın “Tass”, “Ria Novosti”, “İnterfax” və onlarla media orqanında, Türkiyənin “Anadolu Agentliyi“, TRT, “Star”, “Yeni Şafak” kimi tirajlı KİV-ində, habelə Ukrayna, Belarus, Gürcüstan və digər ölkələrin mətbuatında ətraflı işıqlandırılıb.
Bizi Telegram-da izləyin...
