"Müəllim şagirdə söz deyəndə valideyn üstünə hücum çəkməməlidir" - Siyavuş Novruzov
“Müəllimlərin hüquqları müdafiə olunmalıdır”.
Redaktor.az qafqazinfo.az-a istinadla xəbər verir ki, bunu Milli Məclisin Regional məsələlər komitəsinin sədri Siyavuş Novruzov parlamentdə çıxışı zamanı bildirib.
“Hərə bir telefon götürüb müəllimi çəkir. Ola bilsin ki, müəllimlərin də arasında pisləri olsun. Amma müəllim şagirdə söz deyəndə valideynin onun üstünə hücum çəkməsi, müəllimin cəzalandırılması halları olmamalıdır. Onlar xalqın övladlarına dərs verir, öyrədir. Ola bilər ki, müəllim hansısa ifadəni düz demir, amma onun hüquqları müdafiə olunmalıdır”, - deyə, S.Novruzov bildirib.
Parlamentari Seçki Məcəlləsinə müvafiq dəyişikliklər edilməsini də təklif edib:
“Bələdiyyə seçkiləri digərlərindən fərqlənməlidir. Yəni bir kəndin bələdiyyə seçkilərində dairə seçki komissiyası namizədlərdən prezident seçkilərində olduğu kimi eyni sənədləri tələb etməməlidir”, - deyə S.Novruzov bildirib.
Bizi Telegram-da izləyin...
