Azərbaycan Bayrağı "Ginnesin rekordlar kitabı"na DÜŞÜB
Dövlət Bayrağı Meydanında ucaldılan üçrəngli bayraq ölçüsünə görə "Ginnesin rekordlar kitabı"na düşüb.
Redaktor.az xəbər verir ki, bu barədə "Report"a Dənizkənarı Bulvar İdarəsinin mətbuat xidmətinin rəhbəri Əfsanə Mehdiyeva deyib.
Onun sözlərinə görə, Dövlət Bayrağı Meydanı təmirə bağlanmazdan öncə bayraq dirəyinin hündürlüyünə görə bu rekord qırılmışdı:
"Hazırda isə yeni sertifikat Dövlət Bayrağı Meydanında ucaldılan bayrağın ölçüləri ilə bağlıdır. Bayrağımızın "Ginnesin rekordlar kitabı"na düşməsi iki gün öncə rəsmiləşdirilib. Bayrağın ümumi çəkisi 500 kiloqramdan artıqdır".
Redaktor.az-ın əldə etdiyi məlumata görə, bayrağın eni 36, uzunluğu 72 metrdir. Bayrağın dirəyinin hündürlüyü isə əvvəlki ilə müqayisədə 29 metr çoxdur, yəni 191 metrdir.
Bizi Telegram-da izləyin...
