Azərbaycan səfiri Papa Cəngavər Ordeninin Böyük Xaçına layiq GÖRÜLDÜ

Azərbaycanın Müqəddəs Taxt-Tacdakı səfiri İlqar Muxtarov Vatikanda Papa Cəngavər Ordeninin Böyük Xaçına (Cavaliere di Gran Croce dell'Ordine Piano) layiq görülüb.
Redaktor.az xəbər verir ki, bu münasibətlə keçirilən mərasimdə Azərbaycan səfiri ilə yanaşı, Yaponiya, İspaniya, Avstriya, Fransa və digər ölkələrin Müqəddəs Taxt-Tacdakı səfirlərinə də ordenlər verilib.
Ordeni İlqar Muxtarova Müqəddəs Taxt-Tacın dövlət katibinin müavini Edqar Penna Parra təqdim edib.

