"Paşinyan sülh istəyirsə, radikal qüvvələrin qarşısını almalıdır" - Politoloq

"Daşnaklar “ənənəyə” sadiq qalaraq yenə İrəvanın mərkəzində Azərbaycanın və Türkiyənin bayraqlarını yandırıblar və bu vandalizm aktı sosial şəbəkələrdə geniş yayılıb".
Redaktor.az xəbər verir ki, bunu politoloq Elxan Şahinoğlu deyib. Politoloqun sözlərinə görə, sülh sazişindən sonra da ermənilər belə bir addım atsa, sülh sazişi ancaq kağız üzərində qalacaq:
"Ermənistan Azərbaycanla sülh sazişi imzalananadan sonra da İrəvanda Azərbaycan və Türkiyə bayraqları yandırılacaqsa, sülh kağız üzərində qalacaq. Bu necə sülh olacaq ki, sülh istədiyin ölkələrin bayraqları mərkəzi meydanda yandırılacaq və polis buna seyrçi qalacaq. Baş nazir Nikol Paşinyan Azərbaycan və Türkiyə ilə sülh və əməkdaşlıq istəyirsə, radikal qüvvələrin bayraq yandırılmasının qarşısını almalıdır. O polisə belə bir əmr vermək istəmirsə, demək daşnaklardan elə böyük fərqi yoxdur".
Vasif ƏLİHÜSEYN