"Azərbaycanda dost İsrailə yanaşmada romantizm yoxdur"
"İsrailin səlahiyyət müddəti yayda başa çatacaq Azərbaycandakı səfiri Corc Dik "The Yerusalem Post" qəzetinə verdiyi açıqlamada soydaşlarımızın 80 faizinin ölkəsinə dost gözü ilə baxdığını açıqlayıb. Azərbaycan-İsrail əlaqələrinə zərbə vurmaq istəyənlərin troll dəstələrinin ən azından sosial şəbəkədəki fəaliyyətlərini nəzərə alsaq, bu, fenomenal bir haldır".
Redaktor.az xəbər verir ki, bunu deputat Sahib Alıyev özünün feysbuk hesabında yazıb.
O xatırladıb ki, ötən əsrdə 80-ci illərin axırı, 90-cı illərin əvvəlində Azərbaycanda bütövlükdə qərbə yanaşma da buna bənzər idi.
"Baxmayaraq ki, həmən qərb o zaman da işğalçı Ermənistanın maraqlarından çıxış etdiyini gizlətmirdi. Amma bizdə belə bir fikir vardı ki, onlar regionda nələr baş verdiyindən, kimin haqlı olduğundan xəbərsizdirlər, ona görə belə davranış sərgiləyirlər. O, romantizm idi. İkinci Qarabağ savaşında oynadığı rolu da nəzərə alsaq, Azərbaycanda dost İsrailə bu cür yanaşmada isə romantizm yoxdur, bu, reallığın təsbitidir", - deyə Sahib Alıyev qeyd edib.
Turan İSMAYIL
Bizi Telegram-da izləyin...
