"Rusiya atəşkəsə getməyəcəksə, sanksiyalar tətbiq olunması istisna deyil"
"Rusiya - Ukrayna arasında İstanbulda ikinci raund danışıqlarda Kremlin təqdim etdiyi memorandum Ukraynanın kapitulyasiyasinı nəzərdə tutur. Rusiyanın bu memorandumu Ukraynanın bir dövlət kimi yox olması deməkdir. Təbii ki, Ukrayna bu kimi şərtləri qəbul edə bilməzdi".
Redaktor.az xəbər verir ki, bunu politoloq Məhəmməd Əsədullazadə deyib. Onun sözlərinə görə ABŞ-nin Ukraynaya hərbi yardımları başa çatıb.
"Ukrayna nümayəndə heyəti ABŞ-dədir. Proseslər onu göstərir ki, Donald Tramp Ukraynaya hərbi yardımları davam etdirə bilər. Çünki, Ukrayna ilə "Mineral ehtiyatlarla" bağlı sazişin bağlanması, Vaşinqtonun növbəti mərhələdə hərbi yardımları davam etdirilməsinə əsas yaradır. Artıq ABŞ Rusiyaya yeni sanksiyalar paketi hazırlayıb. Rusiya atəşkəsə getməyəcəksə, sanksiyalar tətbiq olunması istisna deyil".
Vasif ƏLİHÜSEYN
Bizi Telegram-da izləyin...
