"Trampın planı budur ki, Putin Ukraynanı tam ələ keçirsin"
"ABŞ Prezidenti Donald Trampla Rusiya Prezident Vladimir Putinin telefon danışığı Ukrayna üçün mənfi ssenaridir. Tramp Ukraynanın Rusiya tərəfindən tamam işğalında problem görmür. Onun Putinə müsbət simpatiyası var. Muharibəni bitirmək istəyir".
Redaktor.az xəbər verir ki, bunu Məhəmməd Əsədullazadə deyib. O, bildirib ki, muharibəni necə bitirmək istəyi isə problemdir:
"Tramp Rusiyaya təzyiq etmək istəmir. Ukraynaya silah yardımının davamında maraqlı deyil. Məhz planı budur ki, Putin Ukraynanı tam ələ keçirsin. Bundan sonra, İranın neft-qaz yataqları ilə bağlı müqavilənin bağlanmasında Putin Trampa vasitəçilik etsin. Putində Trampa bununla bağlı "söz" verib.
ABŞ Dövlət institutları -Pentaqon, Dövlət departamenti, Kongres, Mərkəzi Kəşfiyyat idarəsi dövlətin strateji məğlubiyyətinə gətirib çıxaracaq siyasətə imkan vermək istəmirlər. Tramp Ukrayna Prezidenti Volodimir Zelenski ilə danışanda ukraynapərəst, Putinlə danışanda isə rusiyapərəst olur.
Ağ Evdə köməkçiləri yenidən Trampı Zelenski ilə telefonda danışdırırlar ki, yenidən Ukraynanı dəstəkləsin. ABŞ kimi super dövləti məhz Kreml idarə edir".
Vasif ƏLİHÜSEYN
Bizi Telegram-da izləyin...
