Azərbaycan gücləndikcə xaricdə yaşayan anti-azərbaycanlı ünsürlər daha da aqressivləşirlər - Deputat
"Son vaxtlar xaricdə yaşayan anti-milli ünsürlərin fəallaşmağa cəhd göstərməsi, Azərbaycan əlehinə qərəzli tədbirlər təşkil etməyə və şüarlar səsləndirməyə cəhd göstərməsi müşahidə olunur".
Bu fikirləri Redaktor.az-a açıqlamasında millət vəkili Vüqar Bayramov bildirib.
Onun sözlərinə görə, Azərbaycan gücləndikcə, geo-siyasi mövqeyi möhkəmləndikcə xaricdə yaşayan bəzi anti-azərbaycanlı ünsürlər daha da aqressivləşirlər.
"Vaşinqtonda və daha öncə Münhendə anti-milli ünsürlərin hərəkətləri bir daha təsdiq edir ki, Azərbaycanın güclənməsi və ölkəmizin regionda formalaşdırdığı düzən xaricdən maliyyələşən bəzi anti-milli ünsürləri narahat edir".
O əlavə edib ki, Azərbaycan güclü olmaqla yanaşı, xalq-iqtidar birliyi də möhkəm və sarsılmazdır və belə marjinal qrupların davranışları nəinki bu birliyə, nə də Azərbaycanın gücünə təsir edə bilməz.
Xədicə BAXIŞLI
Bizi Telegram-da izləyin...
