ÇİN-AB görüşü MƏHSULDAR KEÇİB
“Brüsseldə Çin və Avropa Birliyi arasında keçirilən görüş məhsuldar olub”.
Redaktor.az xarici KİV-lərə istinadən məlumat verir ki, bu barədə Çinin baş naziri Li Keqianq açıqlama verib. O bildirib ki, tərəflər bu il ərzində Ətraflı İnvestisiya Müqaviləsinə dair müzakirələrdə yekun qərarlar qəbul etmək və 2020-ci ilə qədər müqavilə imzalamaq barədə razılığa gəlib. Toplantıda islahatlarla bağlı strateji tərəfdaşlığın genişləndirilməsinin və sülhün qorunmasının önəminə toxunulub.
Qeyd edək ki, bu tərəflər arasında sayca 21-ci görüşdür. Toplantıda Avropalı liderlər Donald Tusk və Jan Kold Yunker, qurumun Xarici Siyasət və Təhlükəsizlik məsələləri üzrə ali komissarı Federika Moqerini o cümlədən digər rəsmilər iştirak edib.
Anar Türkeş. Redaktor.az