Azərbaycanlı deputatdan İran məclisinə sərt etiraz - "Niyə bu terrorçulara görə yasa batmısız?"
İran Məclisi Suriyadakı terror qruplaşmasının yığıncağına çevrilib.
Redaktor.az xəbər verir ki, bu sözləri Güney Azərbaycanın Mərənd və Culfa əyalətlərindən seçilmiş millət vəkili Məhəmməd Həsənnejad deyib.
Məhəmməd Həsənnejad bəzi İran millət vəkillərinin PYD/PKK terror ünsürlərini dəstəkləməsinə sərt reaksiya verib. Deputat İran millət vəkillərini Türkiyənin terroristlərə qarşı başlatdığı "Sülh çeşməsi" hərəkatına dəstək verməməkdə günahlandırıb:
"Biz dünənə qədər bu Məclisdə onların ABŞ-ın dəstəklədiyi terrorçu olduğunu deyirdik. İndi niyə bu terrorçulara görə yasa batmısız? Bəzi millət vəkillərinin "Sülh çeşməsi” hərəkatının kürd millətinə qarşı hərbi əməliyyat olması barədə danışan bəzi millət vəkillərinə gəldikdə, "kürd milləti” ifadəsini terrorçularla bağlı dilə gətirmək tamamilə yanlışdır. İndi deyin, bu, İran parlamentidir, yoxsa Suriya kürdlərinin parlamenti?” /axar.az/
Bizi Telegram-da izləyin...
