Türkiyədə mülk alan Azərbaycan vətəndaşlarının sayı açıqlandı

 10:01 16.09.2020     22

2020-ci ilin yanvar-avqust aylarında Azərbaycan vətəndaşları Türkiyədə 700 daşınmaz əmlak obyekti satın alıblar ki, bu da 2019-cu ilin eyni dövrü ilə müqayisədə 11 obyekt azdır.

Bu barədə Trend Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanına istinadən məlumat yayıb.

Məlumata görə, 2020-ci ilin avqust ayında Azərbaycan vətəndaşları Türkiyədə 88 daşınmaz əmlak obyekti alıblar ki, bu da 2019-cu ilin avqust ayından 66 obyekt çoxdur.

2020-ci ilin avqust ayında Türkiyədə 170 408 əmlak satılıb ki, bu da 2019-cu ilin eyni dövrü ilə müqayisədə 54,2 faiz çoxdur.

2020-ci ilin avqust ayında Türkiyədə 3 893 əmlak əcnəbilərə satılıb ki, bu da 2019-cu ilin eyni ayına görə 8 faiz çoxdur.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/emlak/327891.html