“eSIM” texnologiyası “Əşyalar interneti”nə sürətlə nüfuz edir

 08:21 22.09.2020     29

"Strategy Analytics" tədqiqat şirkətinin proqnozuna görə, 2025-ci ilədək "Əşyalar interneti (IoT)" üçün daxili SİM kartların (eSIM texnologiyası) satış həcmi 2020-ci illə müqayisədə 2 dəfə artaraq 326 milyona yaxınlaşacaq.

Milli.Az ictnews.az-a istinadən bildirir ki, "eSIM" texnologiyasına malik qurğunun istifadəçisi telefon nömrəsi və tarif planı satın almaq üçün seçilmiş mobil operatorun mobil tətbiqini yükləməli və ya onun QR kodunu skan etməlidir. Texnologiya, həmçinin müxtəlif operatorlar arasında ani keçid etməyə imkan verir, buna görə kartları fiziki dəyişdirməyə ehtiyac yoxdur.

"Strategy Analytics" şirkətinin analitikləri "Əşyalar interneti" bazarında texnologiyanın populyarlığının artmasını belə izah edirlər ki, o, fiziki deyil, virtual SİM kartlardan istifadə etməyə imkan verir. Bu vacib məsələdir, çünki "IoT" avadanlığa (məsələn, avtomobil və tibbi sistemlərdə) giriş çox vaxt çətin olur.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/interest/882436.html