"Nitqimi bitirənə qədər 200 milyon insan COVID-19-dan öləcək" - BAYDEN

 09:00 22.09.2020     36

Demokratların prezidentliyə namizədi Co Bayden nitqini bitirənə qədər 200 milyon insanın koronavirusun qurbanı olacağını bəyan edib.

Publika.az "RİA Novosti"yə istinadla xəbər verir ki, C.Bayden bu barədə seçiciləri qarşında çıxış edərkən söyləyib.

"Hesablamalara görə, mən bu söhbətimi yekunlaşdırana qədər 200 milyon insanın koronavirusdan öləcəyi təxmin edilir”, - deyə C.Bayden qeyd edib.

Ehtimal olunur ki, C.Bayden bu günə qədər ABŞ-da COVID-19-dan ölən təxminən 200 min koronavirus xəstəsini nəzərdə tutub.

Qeyd edək ki, son rəqəmlərə əsasən, Birləşmiş Ştatlarda 204 118 xəstə pandemiyanın qurbanı olub.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/abs/328549.html