Peşə təhsili üzrə “Dərs vaxtı” proqramı cədvələ uyğun təqdim olundu

 03:43 24.10.2020     42

Peşə Təhsili üzrə Dövlət Agentliyinin təşkilatçılığı ilə “ARB Günəş” kanalında yayımlanan “Dərs vaxtı” proqramı sentyabrın 23-nə olan cədvələ uyğun yayımlanıb.

Agentlikdən Publika.az-a bildirilib ki, proqramda estetika və mədəni özünüifadə, avtomobil təmir və diaqnostikası, bərbər-vizajist-manikürçü, ana dilində ünsiyyət, xarici dildə ünsiyyət, geyim üzrə dizayner, kompüter operatoru, dizayner ixtisasları üzrə dərslər təqdim olunub.

Peşə təhsili üzrə “Dərs vaxtı”nı ekran qarşısında izləyə bilməyənlər dərsləri Peşə Təhsili üzrə Dövlət Agentliyi rəsmi “YouTube” kanalı ilə yanaşı, “Facebook” səhifəsindən, eyni zamanda Təhsil Nazirliyinin videodərslər portalından (https://video.edu.az/) izləyə bilərlər.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/elmvetehsil/332823.html