Son döyüşündə qalib gələn Həbib Nurməhəmmədov karyerasını bitirdi

 01:59 25.10.2020     31

MMA üzrə UFC-254 turniri başa çatıb.

Publika.az xəbər verir ki, BƏƏ-nin paytaxtı Əbu-Dabidə təşkil olunan yarışda 12 döyüş baş tutub.

Gecənin əsas qarşılaşması yüngül çəki dərəcəsində baş tutub. Bu çəkidə UFC-nin çempionu rusiyalı Həbib Nurməhəmmədov ABŞ təmsilçisi Castin Qetjinlə üz-üzə gəlib. 2-ci raundda rəqibinə boğucu fəndlə qalib gələn Nurməhəmmədov bununla da UFC çempionu titulunu qoruyub.

Bu döyüş rusiyalı idmançı üçün sonuncu olub. Belə ki, Nurməhəmmədov görüşdən sonra karyerasını başa vurduğunu açıqlayıb. "Anama söz vermişdim ki, bu görüş mənim üçün sonuncu olacaq. O, atamsız döyüşməyimi istəmirdi", - deyə, o qeyd edib.

Xatırladaq ki, insiyədək MMA-da 28, UFC-də 12 döyüşə çıxan Həbib bütün qarşılaşmalarda qələbə qazanıb.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/idman/332959.html