Bir notbukun istehsalı zamanı 1,2 ton tullantı əmələ gəlir

 21:50 21.11.2020     45

İstanbul Texniki Universiteti "Davamlı istehsal və istehlak dərnəyi"nin rəhbəri prof.dr. Filiz Karaosmanoğlu notbuklar istehsal edilərkən 1,2 ton, smartfon istehsal edilərkən 86 kiloqram tullantı çıxdığını söyləyib.

Milli.Az ted.az-a istinadən bildirir ki, o, insanların məhsulları alıb istifadə etdiklərini, ancaq bu məhsulların istehsal prosesində yaranan tullantılar barədə bilmədiklərini söyləyib.

"Tullantıların qarşısını almaq üçün istehsalçı və istehlakçılar birlikdə mübarizə aparmalıdırlar.

Daha davamlı istehsal və istehlak etməliyik. İstehlak davranışımızı dəyişdirməliyik.

İstifadə etdiyimiz məhsulların ömrünün uzadılması, yenidən istifadə, təmir, kirayə, paylaşma, ikinci əl satın alma, şüurlu alış, səmərəli istifadə və istehlak kimi anlayışlar həyatımızdakı məhsullar üçün daima gündəmimizdə olmalıdır", - deyə dərnək rəhbəri bildirib.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/interest/898804.html