Minik avtomobili ilə yük maşını toqquşdu: ölən var

 16:44 28.11.2020     44

Şamaxıda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin mətbuat xidmətindən Milli.Az-a verilən məlumata görə, noyabrın 27-də saat 10 radələrində Şamaxı rayonunun Məlikçobanlı kəndi ərazisində rayon sakini G. Usubalıyevin idarə etdiyi "VAZ-21015" markalı minik və Bərdə rayon sakini Ə. Şirinovun idarə etdiyi "Mercedes" markalı yük avtomobilləri toqquşub.

Nəticədə G. Usubalıyevin sərnişini, Məlikçobanlı kənd sakini Elnur Xəlilov aldığı xəsarətlərdən hadisə yerində ölüb, özü isə xəstəxanaya yerləşdirilib.

Faktla bağlı Şamaxı Rayon Polis Şöbəsi tərəfindən araşdırma aparılır.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/incedent/900793.html