İrəvanda növbəti aksiya: Prospekt bağlandı

 18:56 30.11.2020     48

Ermənistan Baş naziri Nikol Paşinyanın istefasını tələb edən aksiyaçılar İrəvanın Maştoç prospektini bağlayıblar.

Axar.az xəbər verir ki, bu barədə erməni mətbuatı məlumat yayıb.

Hazırda etirazçılar Spendiaryan adına Opera və Balet Teatrının yaxınlığında dayanıb. Prospektin bu hissəsində hərəkət tamamilə dayanıb.

Aksiya iştirakçıları, “Nikol, get”, - “Nikol-satqın” kimi şüarlar səsləndirirlər.

Polis prospektdə hərəkəti bərpa etmək üçün etirazçıları ərazidən uzaqlaşdırmağa çalışır. Lakin aksiya iştirakçıları yenidən toplaşdığı yerə qayıdaraq prospekti bağlayır.

Hadisə yerinə çoxlu sayda polis qüvvəsi gətirilib.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/planet/519691.html