"Beşiktaş" daha bir İstanbul klubunu məğlub etdi

 01:15 05.12.2020     43

Dekabrın 4-da futbol üzrə Türkiyə çempionatının XI turunun birinci gününün qarşılaşmasında “Beşiktaş” doğma meydanda “Kasımpaşa”nı qəbul edib.

Publika.az xəbər verir ki, gərgin keçən görüşdə meydan sahibləri rəqibin qapısından üç cavabsız qol keçiriblər. “Beşiktaş”ın qollarını Bernard Mensah (45), Atiba Hatçinson (69) və Vinsent Abubakar (75) vurublar.

Beləliklə, “Beşiktaş” ötən həftə səfərdə əzəli rəqibi “Fənərbağça”nı məğlub etdikdən sonra daha bir İstanbul klubu üzərində qələbə qazanıb.

Hazırda turnir cədvəlinə 23 xalla “Alanyaspor” başçılıq edir, 20 xalı olan “Qalatasaray” ikinci, eyni xala malik “Fənərbağça” isə üçüncü pillədə qərarlaşıb.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/idman/338068.html