AB Fələstindəki seçkilərlə bağlı İsrailə çağırış etdi

 01:07 17.01.2021     56

Avropa Birliyi (AB) Fələstində parlament və prezident seçkilərinin keçirilməsi ilə bağlı qərarı məmnuniyyətlə qarşılayır.

Axar.az xəbər verir ki, bunu AB-nin xarici siyasət xidmətinin rəsmi nümayəndəsi Peter Stano deyib.

“AB seçki prosesini dəstəkləmək üçün müvafiq qurumlarla işləməyə hazırdır. Bundan başqa, İsrail tərəfinə də Fələstin torpaqlarında keçiriləcək seçki proseslərinin asanlaşdırılması mövzusunda köməklik göstərməsi üçün çağırış edirik”, - P.Stano bildirib.

Qeyd edək ki, Fələstində 15 ildən sonra ilk dəfə seçkilərin keçirilməsi üçün qərar qəbul edilib. Ölkə prezidenti Mahmud Abbasın fərmanına əsasən, parlament seçkiləri mayın 22-də, prezident seçkiləri isə iyulun 31-də keçiriləcək.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/planet/531272.html