Daha iki ABŞ strateji bombardmançısı İsrailin üstündən İrana tərəf uçdu

 18:35 17.01.2021     66

Bu gün yanvarın 17-də Amerikanın iki B-52 strateji bombardmançısı İsrailin üzərindən uçub və Fars körfəzinə istiqamət alıb.

Milli.Az virtualaz.org-a istinadən bildirir ki, bu haqda İsrailin "Ynet" portalı bildirir.

Nəşrin məlumatına görə son bir həftə ərzində artıq beşinci dəfədir ki, Birləşmiş Ştatlar Fars körfəzi regionuna B-52 bombardmançılarını göndərir.

Bundan əvvəl Pentaqon açıqlamışdı ki, regiona strateji bombardmançıların göndərilməsi ABŞ-ın İranı Yaxın Şərq regionundakı Amerika hədəflərinə mümkün hücumlardan çəkindirmək məqsədi daşıyır. 

Birləşmiş Ştatlar Müdafiə Nazirliyindəki mənbə habelə mətbuata bildirib ki, Tehran "nəsə mürəkkəb plan hazırlayır", bu barədə kəşfiyyat məlumatları "olduqca real" qiymətləndirilir.

Xatırladaq ki, ötən gün İranın İnqilab Keşikçiləri Korpusunun müxtəlif radiuslu ballistik raketlərlə dəniz hədəflərinə zərbə endirilməsi təlimləri zamanı atılan uzaqmənzilli ballistik raketlərdən ikisi Hind okeanının şimalında üzən "USS Nimitz" Amerika təyyarədaşıyan gəmisinin həndəvərinə (160 kilometrliyinə) düşüb. Pentaqon bunu "təhlükəli insident" adlandırıb və İranın öz məqsədlərində bu dərəcədə uzağa gedə bilməsindən narahatlıq ifadə edib.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/world/914434.html