Qazla bağlı sualları olanların NƏZƏRİNƏ: Bu tarixdə...

 23:32 21.01.2021     61

“Azəriqaz” İstehsalat Birliyinin əsas hədəflərindən biri də abonent məmnuniyyətinin təmin olunmasıdır. Bu sahədə təkcə qaz təchizatının normal rejimlərdə həyata keçirilməsi deyil, digər mühüm məqamlara da diqqət ayrılır.

“Azəriqaz”dan Publika.az-a bildirilib ki, abonentlərin rahatlığı üçün bir sıra təşəbbüslər göstərilir. Növbəti belə təşəbbüs isə Birliyin baş direktoru Ruslan Əliyevin sosial şəbəkə üzərindən abonentlərlə birbaşa bağlantısının yaradılmasıdır.

Qeyd edək ki, baş direktorun “Azəriqaz” İstehsalat Birliyinin feysbuk sosial şəbəkəsi üzərindən canlı yayımı yanvarın 22-də saat 14:00-da planlaşdırılır.

Bu görüşlərin hər həftənin cümə günü təşkil olunması nəzərdə tutulur.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/sosial/343707.html