Taşovadan HƏYƏCAN TƏBİLİ: "Yoxsa, üçüncü dalğa baş verəcək..."

 22:36 24.02.2021     69

Türkiyəli infeksionist Yeşim Taşova pandemiyadan qurtulmaq üçün cəmiyyətin 70 və ya daha çoxunun peyvəndlənməli olduğunu bildirib.

Publika.az Türkiyə mətbuatına istinadla xəbər verir ki, həkim peyvəndlənmə işlərinin sürətləndirilməsinin əhəmiyyətindən söz açıb:

“Peyvəndlənmə sürətlənməsə və ya insanlar karantindən bezib qaydalara əməl etməsə, tezliklə üçüncü dalğa baş verəcək. Virusun yeni mutasiyaları daha yoluxucudur. Bəzən yoluxma sayında artım görürük. Bu, bizi çox qorxudur. Üçüncü dalğa ola bilər, çünki cəmiyyətin 70 faizində hələ virusa qarşı immunitet yaranmayıb. Kütləvi immunitet formalaşmadığı müddətdə xəstələrin sayı da çox olacaq. Mutasiyalar səbəbiylə peyvəndlərin antikor yaradacağı və nə qədər qalacağı hələ dəqiq məlum deyil. Lakin vaksin xəstəliyi daha yüngül keçirtməyə və nəzarətdə saxlamağa kömək edəcək”.

Aytən Məftun


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/saghlamliq/347588.html