Erməni general qiyamçıların tərəfinə keçdi

 23:54 28.02.2021     73

Ermənistan silahlı qüvvələrinin baş qərargah rəisinin sabiq müavini, general-leytenant Aykaz Baqmanyan da qiyamçıların tərəfinə keçdiyini bəyan edib.

Axar.az Musavat.com-a istinadən xəbər verir ki, o, Baş Qərargahın baş nazir Nikol Paşinyanı və hökuməti istefa bəyanatına qoşulub.

“Mən hesab etmirəm ki, silahlı qüvvələr bu bəyanatı düşünmədən verib. Mən düşünürəm ki, onlar ciddi qərar qəbul ediblər və bu bəyanata qoşularaq onu müdafiə edirəm”, general-leytenant bildirib. Daha sonra Baqmanyan əlavə edib: “Məğlub ölkənin lideri postunda qala bilməz, 10 noyabrda o, istefaya getməli idi. İndi o, “1 mart”ı təkrarlamaq istəyir, hansı ki, 2008-ci ildə baş vermişdi – güllələnmə, yanan maşınlar və sair”, deyə, qiyamçı general bildirib.

Qeyd edək ki, 1 martda saat 18.00-da müxalifət, 18.30-da isə Nikol Paşinyan öz tərəfdarları ilə küçə və meydanlara çıxacaqlar. Paşinyan Azadlıq meydanında, “Vətəni xilas hərəkatı” isə Baqramyan prospektinə aksiya təyin edib. Bu mənada 2008-ci il hadisələrinin təkrarlanacağı da istisna deyil.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/planet/541567.html