Röya Ayxan ilk dəfə anası ilə fotosunu paylaşdı: "Bu arzuma çatmışam"

 23:31 07.03.2021     68

Xalq artisti Röya Ayxan ilk dəfə olaraq anası ilə çəkdirdiyi fotosunu sosial media hesabında paylaşıb.

Publika.az xəbər verir ki, sənətçi anasının Azərbaycan Dillər Universitetinin məzunu olduğunu, hazırda ingilis dili fənni üzrə müəllimə kimi çalışdığını aşıqlayıb:

"Gözümüzü açandan o, həm çalışıb, həm də bizə baxıb, böyüdüb. İngilis dili müəllimi olmasına baxmayaraq, günün ikinci yarısı mən, yaxud bacımı götürüb təmizləyəcəyi evlərə gedərdi. Həmin insanların çirkli paltarlarını gətirib yuyub, ütüləyib geri aparardıq. Yəni, anam bütün bu əziyyətləri keçmiş bir qadındır. Demək istəyirəm ki, artıq 10 yaşım olanda onunla işləyib pul qazanırdım. Beşmərtəbəli binada yaşayırdıq, 1-dən 5-ə kimi qonşularımıza biskvit satırdım. Anamın rəfiqəsinin dükanı var idi, şirniyyatları o gətizdirirdi. Bu işi də anama həvalə etmişdi ki, satıb pul qazansın. O vaxtdan söz verdim ki, ana, səni o qədər xoşbəxt edəcəm ki, heç kəsə möhtac qalmayacaqsan, öz evin olacaq, kirayədə qalmayacaqsan. Demişdim ki, anama qulluq edəcəklər, onunla maraqlanacaqlar. Və bu arzuma çatmışam! Anam kimi yüzlərlə belə zəhmətkeş xanımlar var. Bütün qadınlara arzularının çin olmasını diləyirəm. Qız övladları daim analarının yanında olsun, onlar üçün yaşasın. Heç bir çətinlikdən qorxmayın, problemin həllini intiharda görməyin! Hər birimiz ağır günlər keçirmişik. Amma arzular insanı məqsədinə qədər aparır. Arzularınız tükənməsin! Anamın simasında bütün anaları, qadınları 8 Mart bayramı münasibətilə təbrik edirəm!"


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/magazin1/348857.html