Məktəblərlə bağlı MÜHÜM AÇIQLAMA: "Bu baş verərsə..." - VİDEO

 08:36 08.04.2021     27

"Yoluxma sayı azalarsa, ənənəvi təhsil bərpa edilə bilər".

Publika.az xəbər verir ki, bunu "Xəzər" TV-yə Bakı Şəhəri üzrə Təhsil İdarəsinin müdiri Mehriban Vəliyeva bildirib.

O deyib ki, ənənəvi təhsilə keçidin başlıca şərti yoluxma sayında ciddi azalmalara nail olmaqdır. Bu baş verərsə, ənənəvi təhsilin bərpa edilməsi müzakirəyə çıxarılacaq.

Ənənəvi təhsilin bərpası üçün təhsil işçiləri arasında vaksinasiyanın vacibliyindən danışan Mehriban Vəliyeva bu prosesin sürətlə davam etdiyini deyib. O, yaş həddi olmadan müəllimlərin vaksinasiya olunduğunu bildirib.

Mehriban Vəliyeva yoluxma sayının artdığı bu günlərdə distant təhsilə keçidin zərurət olduğunu vurğulayıb, uşaqların distant təhsildə iştirakının vacibliyini qeyd edib.

Qeyd edək ki, distant təhsilə keçməzdən əvvəl təkcə Bakı məktəblərində 1086 şagird və 695 müəllim virusa yoluxub. 739 şagird və 460 müəllim son 14 gün ərzində xəstələnib. Bu səbəbdən də paytaxt Bakı da daxil olmaqla bəzi şəhər və rayonlarda təhsilin distant formasına keçilib.

Mövzu ilə bağlı daha ətraflı videomaterialı təqdim edirik:


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/elmvetehsil/352101.html