Babçenko: Ukrayna bombalanacaq, böyük xaos yaranacaq

 09:00 08.04.2021     39

Rusiya ordusunun genişmiqyaslı hücumu Ukraynanın böyük ərazisinin bombardman edilməsi ilə nəticələnəcək.

Axar.az xəbər verir ki, bu sözləri rusiyalı hərbi ekspert Arkadi Babçenko deyib.

Onun sözlərinə görə, Moskva üçün əsas məsələ xaos və Avropanı qorxudan böyük qaçqın kütləsi yaratmaqdır.

Ekspertin sözlərinə görə, məhz bunun nəticəsində Qərb Kiyevdə rusyönümlü hökumətə razı olacaq:

“Ukraynanın bütün ərazisinə zərbə endiriləcək. Bu, Donbasda baş verənlərin ( 2014-cü ildə - red.) eynisi olmayacaq”.

Babçenko əlavə edib ki, Rusiya Belarus və Ukraynanın “bufer zona” kimi saxlanılması üçün əlindən gələn hər şeyi edəcək.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/planet/550257.html