Gürcüstanda üç deputat koronavirusa yoluxub

 08:58 08.04.2021     31

Gürcüstanda Baş nazir İrakli Qaribaşvilinin ardınca hakim "Gürcü arzusu" partiyasının parlament fraksiyasının rəhbəri Mamuka Mdinaridze, həmçinin fraksiyanın daha iki üzvü - Beka Davituliani və Mayya Menaqarişvili koronavirusa yoluxub.

Bu barədə partiyanın mətbuat xidməti məlumat yayıb.

Məsələ ilə bağlı öz "Facebook" səhifəsində status yazan M.Mdinaridze özü də faktı təsdiqləyib.

Qeyd edək ki, bugünlərdə Gürcüstan Baş nazirinin COVID-19-a yoluxmasından sonra onunla ünsiyyətdə olan ölkə prezidenti Salome Zurabişvili də özünü təcrid edib. Lakin dövlət başçısının bugünkü koronavirus testi neqativ çıxıb.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/world/937625.html