Azərbaycanlı müğənni boşanmaq istədiyi əri tərəfindən ÖLDÜRÜLÜB - FOTO

 13:29 14.04.2021     28

Azərbaycanda gənc müğənni boşanmaq istədiyi üçün həyat yoldaşı tərəfindən qətlə yetirilib.

Milli.Az Sonxeber.az-a istinadən xəbər verir ki, bu barədə "Elgizlə izlə" verilişinə müraciət edən müğənni Zəminə bildirib və özü kimi müğənni olan qızının boşanmaq istədiyi üçün keçən ilin sentyabr ayının 3-də həyat yoldaşı tərəfindən qətlə yetirildiyini deyib:

"Bu, qızımla həyat yoldaşının 3-cü boşanması idi. Onlar 2 dəfə boşanıb, sonradan barışıblar. Qızım barışırdı, sonra eyni problemlər yenidən yaşanırdı. 16 yaşında qızıma elçi gəldilər. Mən də ailə qurmaqlarına razılıq verdim. Əvvəl o, müğənnilik etmirdi. Sonradan imkanı olmadığına görə müğənniliyə başladı. Mən özüm də müğənniyəm. Əri onu toylara aparırdı. Qızımın 2 övladı məndə, həyat yoldaşı isə hazırda həbsdədir. O, qızıma barışmasa öldürəcəyini demişdi: "Ya torpağınsan, ya mənim". Qızım mənə dedi ki, yenə barışmağını istəsəm, o öldürməsə də, özü intihar edəcək".

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/showbiz/939646.html