Ermənistanda sürücü avtomobili piyadaların üzərinə sürdü: 2 hərbçi öldü, 4-ü yaralandı

 14:14 15.04.2021     39

Ermənistanın Kotayk vilayətində sürücünün avtomobili piyadaların üzərinə sürməsi nəticəsində 2 hərbçi ölüb, 4-ü yaralanıb.

Sürücü hadisə yerindən qaçıb. Onun sərxoş olduğu iddia edilir.

Qəza yerinə Ermənistan Müdafiə Nazirliyi Hərbi Polisinin Abovyan bölməsinin nümayəndəsi və başqa yüksək vəzifəli şəxslər gedib.

Məlumata görə, ölən hərbçilər və yaralılar eyni hərbi hissədə xidmət edirmiş.

Polisin axtarışı nəticəsində hadisəni törətməkdə şübhəli bilinən Kotayk sakini, 34 yaşlı Karen Mikaelyan saxlanılıb.

Ermənistanın Müdafiə Nazirliyi Kotayk vilayətinin Aramus kəndində baş verən yol-nəqliyyat hadisəsi nəticəsində iki hərbçisinin ölməsi faktını təsdiqləyib.

Bildirilib ki, hadisə nəticəsində müqavilə əsasında xidmət edən 1988-ci ildə Yerevanda anadan olmuş, baş leytenant Aram Badalyan və 1992-ci ildə Tavuşda anadan olmuş, 1992-ci il təvəllüdlü kiçik çavuş Levon Mkrtumyan ölüb.

Məlumata görə, yaralı 4 hərbçidən birinin vəziyyəti ağırdır. O, Müdafiə Nazirliyinin hospitalına yerləşdirilib, 3 yaralı isə müayinədən sonra xidmət üçün hərbi hissəyə buraxılıblar. (report)


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/southcaucasus/352931.html