Afina ilə müzakirələr nə vaxt başladı? - Çavuşoğlu

 08:30 21.04.2021     35

Son dərəcə konstruktiv açıqlamalar verdim. Dendias və Yunanıstan tərəfinin dürüst davranmadıqlarını təəssüflə gördük. Evdə danışdığımız üçün bunu diplomatik dildə söylədim. Dendias 2003-cü ildən bəri mənim dostumdur. Burada səmimi deyildilər. Təəssüfləndiyim məsələ budur. Gəlib belə bir təklif edirsən və bir anda onu relsdən çıxarırsan.

Axar.az xəbər verir ki, bunu Türkiyə xarici işlər naziri Mövlud Çavuşoğlu aprelin 15-i yunan həmkarı Nikol Dendiasla Ankarada keçirdiyi görüşdən danışarkən deyib.

"Türkiyə əleyinə söylədiklərini burada, mətbuat konfransında dedi. Münasibətləri irəliyə doğru aparmaq asan deyil. 2019-cu ilin sentyabr ayında Prezident Rəcəb Tayyib Ərdoğan Yunanıstan Baş naziri Kiriakos Miçotakislə keçirdiyi görüşdə iki ölkə arasındakı bütün mübahisəli məsələləri gündəmə gətirmişdi.

İki XİN başçısı olaraq bizi vəzifələndirdilər. Cenevrə toplantısından sonra Dendiasla görüşümüz oldu, o vaxt mənə bu məsələləri müzakirə etmək üçün hazır olmadığını söylədi. Mən də "Sizin durumunuz daha çətindir. Artıq gecikdirməyək, liderlərimizlə danışaq" dedim. Bu görüş olsaydı, bir il yarım ərzində problemlər olmaya bilərdi.

Biz hər şeyə rəğmən problemləri həll etmək üçün addım atmağa hazırıq. Bunu da hər kəs toplantıda gördü", - M.Çavuşoğlu qeyd edib.

Qeyd edək ki, Ankarada keçirilən ikitərəfli görüşdən sonra mətbuat konfransında yunan nazirin “Türkiyə bizim suveren haqlarımızı pozarsa, sanksiyalar gündəmə gələcəkdir” cümləsini işlətməsi Çavuşoğlunun haqlı narazılığına səbəb olub.

Yunan nazir aprelin 15-i Türkiyədə səfərdə olub.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/planet/553291.html