ABŞ Əfqanıstana əlavə 300 milyon dollar ayıracaq

 05:15 22.04.2021     40

ABŞ bu il Əfqanıstana əlavə 300 milyon dollarlıq mülki yardım edəcək.

Publika.az xəbər verir ki, bu barədə ABŞ dövlət katibi Entoni Blinkenin bəyanatında deyilir.

Bəyanatda bildirilir: "Biz investisiya və Əfqanıstan xalqına dəstək vermək öhdəliyimizin bir hissəsi olaraq, Dövlət Departamenti və ABŞ-ın Beynəlxalq İnkişaf üzrə Agentliyi vasitəsilə 2021-ci ildə 300 milyon dollar əlavə mülki yardım göstərmək üçün ABŞ Konqresi ilə işləyirik".

Onun sözlərinə görə, ayrılacaq əlavə mülki yardım iqtisadi artımın təşviqi, korrupsiya və narkotik ticarəti ilə mübarizə, səhiyyə və təhsil sistemlərinin inkişafına yönəldiləcək: "Qoşunların çıxarılması ilə davamlı sülhü təşviq etmək üçün iqtisadi və mülki yardımlardan istifadə edəcəyik".


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/abs/353645.html