Həkimdən xəbərdarlıq: Hindistan ştammında peyvəndlərin qoruyuculuğu zəifləyir - VİDEO

 13:32 04.05.2021     41

Koronavirusa qarşı peyvəndlərin qoruyuculuğunda Hindistan ştammına qarşı zəifləmə müşahidə olunur. Lakin bu o demək deyil ki, peyvəndlər effektiv deyil.

Milli.Az xəbər verir ki, bunu ARB24-ün "Nə baş verir?" verilişinə açıqlamasında həkim Emil Qasımov deyib. 

"Hindistan ştammının öldürücülüyü barədə hələlik elmi məlumat yoxdur. Sadəcə onun daha yoluxucu olduğu deyilir. Bu ştamm hələ də araşdırılır. Onun 4-cü dalğa yaradıb-yaratmayacağını isə zaman göstərəcək. Əgər bu ştamm yayılarsa, yoluxmada ciddi say artımı müşahidə edilə bilər. Çünki Hindistan ştammında bütün ştamlara qarşı əlimizdə olan peyvəndlərin qoruculuğu zəifləyir", - o bildirib.

Həmçinin E. Qasımov qeyd edib ki, ötən gündən ölkəmizdə tətbiq edilən "AstraZeneca"nın viruslara qarşı qoruyuculuğu digər peyvəndlərlə müqayisədə kifayət qədərdir.

Milli.Az 


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/country/945513.html