“Windows 10” sistemi “Apple AirPods” qulaqcığı ilə işləyəcək

 21:30 06.05.2021     59

"Windows 10" əməliyyat sistemi "Apple AirPods" simsiz qarnituru ilə işi dəstəkləyəcək. Bu barədə informasiya əməliyyat sistemi tərtibatçılarının rəsmi bloqunda yerləşdirilib.

Milli.Az ictnews.az-a istinadən bildirir ki, hazırda "Windows 10" əsasında işləyən kompüterlərə simsiz qulaqcığı iki kodek - köhnəlmiş "SBC" və "Android" dünyasında yayılmış "AptX" vasitəsilə qoşmaq mümkündür. Yalnız "AAС" kodekini dəstəkləyən populyar "Apple" qualqcığı fərdi kompüterlə tam işləyə bilmir.

"Bluetooth" qarniturları ilə işdə dəyişikliklər "Windows 10" sisteminə mayda təqdim ediləcək böyük sistem yeniləməsi çərçivəsində tətbiq ediləcək. Əməliyyat sisteminin yeni versiyaları "AAC" kodekini dəstəkləyəcək.

Dəyişikliklər təkcə "Apple" məhsulları istifadəçiləri üçün maraq doğurmur. Belə ki, "AAC" kodekini kompüterə səsin keyfiyyətli ötürülməsini təmin etməyən "SBC" vasitəsilə məcburi qoşulan digər əksər simsiz qulaqcıqlar dəstəkləyir.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/interest/945575.html