Daha bir hərbçimizin nəşi tapıldı

 21:59 06.05.2021     70

Azərbaycan Ordusunun 44 günlük Vətən müharibəsində itkin düşmüş hərbçisinin meyiti tapılıb.

Axar.az xəbər verir ki, 7 aylıq axtarışlardan sonra bu gün kapitan Əbülfəz Hüseynverdi oğlu Rəhmətovun nəşi tapılıb.

Lerik rayonunun Anbu kəndində anadan olan kapitan Əbülfəz Hüseynverdi oğlu Rəhmətov ikinci Qarabağ müharibəsi zamanı Cəbrayıl və Qubadlının azad olunması uğrunda döyüşlərdə qəhrəmanlıq nümayiş etdirib. Ötən il oktyabrın 15-dən sonra Ə.Rəhmətovla əlaqə saxlamaq mümkün olmayıb. Uzun axtarışlardan sonra bu gün onun şəhid olduğu müəyyən edilib.

Qeyd edək ki, Ə.Rəhmətov həmçinin Aprel döyüşlərində, ötən ilin Tovuz döyüşlərində bir sıra qəhrəmanlıqlar nümayiş etdirib.

Allah rəhmət eləsin.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/toplum/557075.html