MediaTek mobil prosessorlar bazarında liderliyini qoruyacaq

 19:40 11.05.2021     58

Counterpoint Research şirkətinin analitikləri mobil prosessorlar bazarını analiz edərək bu ilin potensial liderini təyin ediblər. Gözləntilərə əsasən yaxın zamanda MediaTek şirkəti istehsal olunan prosessor sayı məsələsində liderliyi əldə etmək və Qualcomm-u geridə qoymağa davam etmək üçün bütün şanslara sahibdir. MediaTek şirkəti büdcəli 5G prosessorlarının növlərini artırmaqla bu sahədəki payını genişləndirməyə nail ola bilib. Şirkət həmin prosessorların istehsalına hələ 2020-ci ilin əvvəlində start vermişdi. Beləliklə o, Qualcomm-u bu məsələdə yarım il qabaqlamışdı.

Bundan əlavə olaraq MediaTek-in uğurları siyahısında həmçinin müxtəlif qiymət göstəricilərinə sahib 5G prosessorların təklifi də var. Analitiklərin proqnozlarına əsasən MediaTek il yekunu üzrə mobil prosessor bazarının 37%-ni ələ keçirəcək. Şirkətin əsas üstünlüyü ondan ibarətdir ki, o, Texasın Ostin şəhərindəki Samsung zavodunda prosessor istehsalı üzrə heç bir məhdudiyyətə sahib deyil və onun aparıcı 6 nanometrlik texnoloji prosesi 5 nanometrlikdən heç də geri qalmır.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/interest/946508.html