Səbinə Əliyeva tatarıstanlı həmkarına başsağlığı verdi

 19:56 11.05.2021     44

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Kazanda məktəbdə baş vermiş silahlı insident nəticəsində matəm elan olunması ilə bağlı Rusiya Federasiyası Tatarıstan Respublikasının İnsan Hüquqları üzrə Müvəkkili Sariya Saburskayaya zəng edərək başsağlığı verib.

Ombudsman Aparatından Axar.az-a verilən məlumata görə, telefon danışığı zamanı Ombudsman Səbinə Əliyeva hadisə nəticəsində həlak olan şagirdlərin və məktəb əməkdaşlarının ailələrinə səbir, yaralananlara isə şəfa diləyib.

Qeyd edək ki, bu gün səhər saatlarında Tatarıstanın paytaxtı Kazan şəhərində yerləşən 175 nömrəli məktəbdə silahlı hücum və partlayış baş verməsi nəticəsində əksəriyyəti uşaqlar olmaqla, bir neçə nəfər həlak olub və xəsarət alıb.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/toplum/558122.html