“Ericsson” və “Samsung” qarşılıqlı lisenziyalaşdırma haqqında razılığa gəlib

 23:15 13.05.2021     67

İsveçin "Ericsson" və Cənubi Koreyanın "Samsung" şirkətləri arasında bütün mobil texnologiyalara aid patent hüquqlarını əhatə edən qlobal patent lisenziyaları haqqında uzunmüddətli saziş imzalanıb. Qarşılıqlı lisenziyalaşdırma haqqında saziş 1 yanvar 2021-ci ildən etibarən şəbəkə infrastrukturu avadanlığı və mobil qurğuların satışına şamil edilir.

Milli.Az ictnews.az-a istinadən bildirir ki, tərəflər, həmçinin açıq standartlaşdırma sahəsində mobil sənayenin təşviqi və istehlakçı və müəssisələr üçün qiymətli həllərin yaradılması üçün texnoloji əməkdaşlıq haqqında layihələr barədə razılığa gəliblər.

Saziş hər iki şirkət tərəfindən ABŞ Beynəlxalq Ticarət Komissiyasına (USITC) təqdim edilən şikayətlərə, eləcə də bir neçə ölkədə davam edən məhkəmə proseslərinə son qoyub. Bundan əlavə, razılaşma hər iki şirkətin güclü patent portfellərinin dəyərini təsdiqləyib. Sazişin detalları məxfi olduğundan ətraflı məlumat verilmir.

Qeyd edək ki, "Ericsson" şirkətinin əqli mülkiyyət portfelində 57 mindən çox patent mövcuddur.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/interest/947660.html