ABŞ hərbçiləri Əfqanıstanı tədricən tərk etməyə başlayıblar

 14:54 14.05.2021     47

Amerika hərbçiləri Əfqanıstanı tədricən tərk etməyə başlayıblar.

Milli.Az AZƏRTAC-a istinadən bildirir ki, bu barədə məlumatı ABŞ-ın CNN televiziya kanalı yayıb. Məlumatda bildirilir ki, ABŞ-ın Əfqanıstanın Qəndəhar şəhəri yaxınlığındakı hərbi bazasının əsgər və zabitləri bazanı tərk edərək ABŞ-a qayıdıblar. Hərbi baza isə Əfqanıstanın hökumət qüvvələrinə təhvil verilib.

CNN kanalının bu barədə yaydığı məlumatı Müdafiə Nazirliyinin rəsmi nümayəndəsi də təsdiqləyib.

Qeyd edək ki, Qəndəhar yaxınlığındakı hərbi baza Əfqanıstan ərazisindəki ən böyük hərbi bazadır. Burada ABŞ hərbçiləri ilə yanaşı beynəlxalq kaolisiyaya daxil olan dövlətlərin də 26 min hərbçisi xidmət edirdi.

Milli.Az 


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/world/948014.html