İngiltərə yığmasında məcburi dəyişiklik

 19:22 15.06.2021     38

İngiltərə millisinin Avro-2020 üçün heyətində dəyişiklik edilib.

Milli.Az qol.az-a istinadən xəbər verir ki, bu barədə İngiltərə Futbol Federasiyasının rəsmi saytı məlumat yayıb. Yığmanın qapıçısı Din Henderson ("Mançester Yunayted") bud əzələsində yaranan problemə görə məşqlərdə iştirak edə bilməyib və heyətdən kənarlaşdırılıb. Onun əvəzinə isə komandaya Aron Remsdeyl ("Şeffild Yunayted") cəlb olunub.

Qeyd edək ki, İngiltərə millisi Avro-2020-nin qrup mərhələsinin ilk turunda Xorvatiyaya 1:0 hesabı ilə qalib gəlib. Yığma növbəti görüşünü iyunun 18-də Şotlandiyaya qarşı keçirəcək. Matç Bakı vaxtı ilə 23:00-da başlayacaq.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/sport/956982.html