"Masters" turniri: Abasovdan növbəti qələbə...

 00:17 18.06.2021     64

İyunun 17-də ənənəvi Praqa şahmat festivalının əsas yarışının – “Masters” turnirinin dördüncü turunun oyunları keçirilib.

Axar.az xəbər verir ki, Azərbaycan şahmatçısı Nicat Abasov dördüncü turda Çexiya təmsilçisi David Navara ilə üz-üzə gəlib. Ağ fiqurlarla mübarizə aparan şahmatçımız növbəti qələbəsini qazanıb.

Turun digər oyunları - Polşa təmsilçiləri Yan-Kşıştof Duda Çexiyanın digər şahmatçısı Tay Dan Van Nquyen, Radoslav Voytaşek ABŞ təmsilçisi Sem Şenkland, niderlandlı Jorden Van Forest isveçli Nils Qrandelius qarşılaşmaları heç-heçə ilə başa çatıb.

Turnir cədvəlində 3 xalla S.Şenkland və N.Abasov birinci və ikinci yerləri bölüşürlər. Turnir 7 turdan ibarətdir.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/idman/566682.html