Eriksenin ürəyinə xüsusi aparat qoyulacaq

 10:24 18.06.2021     41

Avropa çempionatının B qrupunun Finlandiya ilə oyununda huşunu itirərən Danimarka millisinin futbolçusu Kristian Eriksenə implant kardioverter-defibrilyator yerləşdiriləcək.

Milli.Az oxu.az-a istinadən xəbər verir ki, bu barədə Danimarka milli komandasının mətbuat xidməti məlumat yayıb.

Qeyd edək ki, İKD həyati təhlükəsi olan aritmiyaların aradan qaldırılması və ürək dayanmasının qarşısını almaq üçün hazırlanmış cihazdır.

"Eriksen bir neçə tibbi müayinə keçdikdən sonra qərara alınıb ki, futbolçu üçün implant kardioverter defibrilyator zəruridir. Kristian beynəlxalq səviyyəli mütəxəssislərin məsləhət gördüyü bu addıma razılaşıb. Biz hamını Kristian və ailəsini yaxın müddətdə narahat etməməyə çağırırıq", - milli komandanın mətbuat xidmətinin açıqlamasında qeyd olunur.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/sport/957740.html